قومی اسمبلی کے اجلاس میں پی ٹی آئی کے گرفتار ارکان کو پارلیمنٹ ہاؤس لایا گیا

اسلام آباد: قومی اسمبلی کے اجلاس میں شرکت پر گرفتار پاکستان تحریک انصاف کے 10 ارکان کو پارلیمنٹ ہاؤس لایا گیا۔
اسلام آباد پولیس کی بھاری نفری ارکان اسمبلی کے ہمراہ پارلیمنٹ ہاؤس پہنچ گئی، پی ٹی آئی کے 10 گرفتار ارکان کو قائم مقام سارجنٹ ایٹ آرمز کے حوالے کردیا گیا۔
پی ٹی آئی کے دس ارکان میں شیخ وقاص اکرم، زین قریشی، ملک اویس جکڑ، ملک عامر ڈوگر، احمد چٹھہ، زبیر خان وزیر، سید احد علی شاہ، سید نسیم علی شاہ، شیر افضل مروت اور یوسف خان شامل ہیں۔ آرڈر پارلیمنٹ ہاؤس لایا گیا ہے۔
یاد رہے کہ گرفتار 10 ارکان جسمانی ریمانڈ پر پولیس کی تحویل میں ہیں اور اسپیکر قومی اسمبلی سردار ایاز صادق نے پارلیمنٹ ہاؤس سے گرفتار پی ٹی آئی ارکان کے پروڈکشن آرڈر جاری کیے تھے۔