عمران خان کو اہلیہ سے بات اور ڈاکٹر سے ملاقات کی اجازت

اسلام آباد: عدالت نے عمران خان کو ذاتی معاج سے ملاقات اور اہلیہ سے بات کرنے کی اجازت دیدی ۔اسلام آباد کی مقامی عدالت نے عمران خان کیخلاف القادر ٹرسٹ کیس میں جسمانی ریمانڈ سے متعلق تحریری فیصلہ جاری کردیا۔عدالت نے تحریری فیصلے میں عمران خان کو ذاتی معالج سے ملاقات اور اہلیہ سے بات کرنے کی اجازت دیدی ہے ۔فیصلے میں عمران خان کا طبی معائنہ کرنیوالی ٹیم میں ان کے ذاتی معالج کو بھی شامل کرنے کا حکم دیا گیا ہے جبکہ دوران ریمانڈ عمران خان کو اہلیہ بشریٰ بی بی سے بات کرنے کی بھی اجازت دی گئی ہے ۔ عدالت نے اپنے حکمنامے میں کہا ہے کہ دوران ریمانڈ چیئرمین پاکستان تحریک انصاف وسابق وزیراعظم کے وکلا ان سے ملاقات کرنا چاہیں تو اجازت ہوگی