کوئٹہ:مشیر داخلہ بلوچستان میں ضیاء اللہ لانگو نے صوبائی وزیر داخلہ کی حیثیت سے عہدے کا حلف اٹھا لیا۔روزنامہ پاکستان کے مطابق حلف برداری کی تقریب گورنر ہاؤس میں ہوئی جہاں قائم مقام گورنر بلوچستان میر جان جمالی نے مشیر داخلہ میر ضیاء اللہ لانگو سے وزارت کا حلف لیا۔حلف برداری کی تقریب میں سینئر صوبائی وزیر حاجی نور محمد دمڑ،مبین خان خلجی،محمد خان لہڑی بھی اس موقع پر پر موجود تھے جبکہ چیف سیکرٹری بلوچستان عبدالعزیز اعقلی،آئی جی پولیس عبدالخالق شیخ ودیگر اعلیٰ حکام نے بھی شرکت کی۔
