پاکستان

صدر مملکت کی سیکرٹری جنرل رابطہ عالمی سے ملاقات

صدر مملکت کی سیکرٹری جنرل رابطہ عالمی سے ملاقات

صدر مملکت ڈاکٹر عارف علوی نے سیکرٹری جنرل رابطہ عالمی اسلامی ڈاکٹر محمد بن عبدالکریم العیسیٰ کو ہلالِ پاکستان عطا کیا۔

تفصیلات کے مطابق صدر مملکت ڈاکٹر عارف علوی نے بین المذاہب کانفرنسوں، مکالموں اور اجلاسوں کے انعقاد کی ضرورت پر زور دیتے ہوئے کہا ہے کہ اسلامی معاشروں میں اعتدال پسندی، امن اور سماجی و اقتصادی انصاف کے فروغ کو یقینی بنایا جائے، ہندوستان کے مسلمانوں کو اسلامو فوبیا کے منفی اثرات سے بچانے کیلئے ٹھوس اقدامات کی ضرورت ہے۔ ان خیالات کا اظہار انہوں نے سیکرٹری جنرل رابطہ عالم اسلامی ڈاکٹر محمد بن عبدالکریم العیسیٰ سے ملاقات کے دوران کیا۔ ہلال ِ پاکستان ڈاکٹر محمد بن عبدالکریم کی جانب سے یتیم بچوں کی کفالت، صحت، سماجی شعبوں اور پاکستان کیلئے خدمات کے اعتراف میں عطا کیا گیا۔

ایوان صدر کی جانب سے جاری بیان کے مطابق صدر مملکت ڈاکٹر عارف علوی نے سیکرٹری جنرل رابطہ عالم اسلامی، ڈاکٹر محمد بن عبدالکریم العیسیٰ کو ہلال پاکستان عطا کیا۔ ڈاکٹر محمد بن عبدالکریم کو یہ اعزاز یتیم بچوں کی کفالت، صحت، سماجی شعبوں اور پاکستان کیلئے خدمات کے اعتراف میں عطا کیا گیا۔ بعد ازاں صدر مملکت سے انہوں نے ملاقات بھی کی۔

صدر مملکت نے اس موقع پر کہا کہ “اسلامو فوبیا” مسلمانوں کو درپیش سب سے بڑے چیلنجز میں سے ایک ہے۔ اسلام کے حوالے سے دنیا میں  پائے جانے والے خوف کو دور کرنے کی ضرورت ہے۔ ، اسلام کے حوالے سے دنیا میں پائے جانے والے خوف کو دور کرنے کی ضرورت ہے، اسلام دنیا کے لوگوں کے مابین امن، یکجہتی اور ہم آہنگی کا پیغام دیتا ہے۔ انہوں نے کہا کہ مختلف اقوام کے لوگوں کو اسلام کے حقیقی پیغام سے آگاہ کرنے کی ضرورت ہے۔

صدر مملکت نے پاکستان کی انتہائی اہم مالی ضروریات  اور سیلاب زدگان کی تکالیف کم کرنے کیلئے فراخدلی سے مدد فراہم کرنے پر سعودی عرب کا شکریہ ادا کیا۔انہوں نے کہا کہ اسلامی معاشروں میں اعتدال پسندی، امن اور سماجی و اقتصادی انصاف کے فروغ کو یقینی بنائے جائے ، اسلامی معاشروں میں دہشت گردی اور عدم برداشت کے رحجانات کے خلاف صلاحیت میں اضافہ کرنے کی ضرورت ہے۔

صدر مملکت نے ہندوستان میں اسلامو فوبیا کے بڑھتے ہوئے رجحان پر تشویش کا اظہار کیا اور کہا کہ ہندوستان میں اسلام فوبیا کی جڑیں گہری ہیں اور اسکی ریاستی سطح پر سرپرستی کی جارہی ہے، ہندوستان کے مسلمانوں کو اسلامو فوبیا کے منفی اثرات سے بچانے کیلئے ٹھوس اقدامات کی ضرورت ہے۔

صدر مملکت نے رابطہ عالم اسلامی کی عالم اسلام میں فلاح و بہبود کے لئے کوششوں کو سراہا۔ ڈاکٹر عارف علوی نے پاکستان میں اسلامی عجائب گھر کے قیام پر عملدرآمد کو بھی سراہا۔ انہوں نے کہا کہ میوزیم کی تکمیل سے لوگ حضور اکرم ﷺ کی زندگی کے مختلف پہلوؤں کے بارے میں جان سکیں گے۔

صدر مملکت نے پاکستان کی انتہائی اہم مالی ضروریات اور سیلاب زدگان کی تکالیف کم کرنے کیلئے فراخدلی سے مدد فراہم کرنے پر سعودی عرب کا شکریہ ادا کیا۔ ڈاکٹر محمد بن عبدالکریم العیسیٰ نے اقوام متحدہ سمیت تمام عالمی فورمز پر اسلامو فوبیا کے خلاف آواز اٹھانے میں پاکستان کی کوششوں کو سراہا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے