سہ ماہی ایڈ جسٹمنٹ کے تحت بجلی 46 پیسے فی یونٹ مہنگی

نیپرا کی جانب سے سہ ماہی ایڈجسٹمنٹ کے تحت بجلی 46 پیسے فی یونٹ مہنگی کردی گئی نیپرا نے اپنا فیصلہ وفاقی حکومت کو بھجوا دیا ہے ۔بجلی رواں مالی سال کی دوسری سہ ماہی ایڈ جسٹمنٹ کی مد میں مہنگی کی گئی ہے ۔نیپرا کے فیصلے کے باعث بجلی کے صارفین پر پندرہ ارب 45 کروڑ روپے سے زائد کا اضافی بوجھ پڑیگا۔نیپرا کے مطابق فیصلے کے تحت بجلی کے صارفین کو تین ماہ میں اضافی ادائیگیاں کرنا ہوں گی ۔نیپرا کے فیصلے کے تحت بجلی کے صارفین سے اپریل میں اضافی وصولیاں کی جائیں گی ،نیپرا کا یہ بھی کہنا ہے کہ ان اضافی وصولیوں کااطلاق کے الیکٹرک پر نہیں ہوگا۔