سندھ ہائیکورٹ، مجوزہ 26 ویں آئینی ترمیم کیخلاف درخواست مسترد

کراچی:چیف جسٹس سندھ ہائیکورٹ محمد شفیع صدیقی نے مجوزہ 26 ویں آئینی ترمیم کے خلاف وکلا کی جانب سے دائر درخواست پر سماعت کی۔چیف جسٹس سندھ ہائی کورٹ محمد شفیع صدیقی نے ریمارکس دیئے کہ جب ترمیم ہوئی نہیں تو عدالت کیسے مداخلت کر سکتی ہے؟ ترمیم سے پہلے کیسے تعین کریں ترمیم قانون کے مطابق ہو رہی ہے یا نہیں؟درخواست گزار کے وکیل نے مقف اختیار کیا کہ آئینی ترمیم کا ڈرافٹ اسمبلی میں لایا گیا، کیا آپ نے پریکٹس اینڈ پروسیجر ایکٹ پر سپریم کورٹ کی ججمنٹ پڑھی ہے؟جس پر وکیل نے جواب دیا کہ ججمنٹ پڑھی ہے۔ اس کے باوجود آپ نے ایسی درخواست دائر کرنے کی جسارت کی؟ یہ درخواست کیسے قابل سماعت ہے؟چیف جسٹس سندھ ہائی کورٹ نے استفسار کیا کہ کس قانون کے تحت مسودہ بار کونسلز اور وکلا تنظیموں کے سامنے پیش کرنے کا حکم دیں؟ تین چار لائنیں لکھ کر درخواست دائر کر دی جاتی ہے پھر اخبارات میں خبر لگ جاتی ہے، سپریم کورٹ کے فیصلے کے خلاف ہم کیسے جا سکتے ہیں۔ عدالت نے مجوزہ 26 ویں آئینی ترمیم کیخلاف درخواست مسترد کر دی۔