زیتون کے پتوں کا عرق ذیابیطس مریضوں کیلئے فائدہ مند

نیویارک: زیتون کے پتوں کا عرق ممکنہ طور پر ٹائپ ٹو ذیابیطس کے علاج میں مددگار ثابت ہو سکتا ہے۔ حالیہ تحقیق کے مطابق زیتون کے پتوں کا عرق جسم میں بلڈ شوگر کو متوازن رکھنے میں مدد کرتا ہے۔پروفیسر عبد الرحیم کوکیگیٹ کی زیر نگرانی یہ مطالعہ گزشتہ ماہ امریکن جرنل آف پلانٹ سائنسز میں شائع ہوا ہے۔ یہ بات سامنے آئی ہے کہ زیتون کے پتوں میں اینٹی ہائپر ٹینشن، اینٹی مائکروبیل اور اینٹی سوزش خصوصیات ہوتی ہیں اور ان کے اینٹی ہائپرگلیسیمک فوائد ذیابیطس کے مریضوں کیلئے زیادہ موثر ہوتے ہیں۔