حماس کی جنگ بندی کے بدلے یرغمالیوں کی رہائی پر آمادگی ظاہر

حماس نے غزہ میں پانچ دن جنگ بندی کے بدلے ستر یرغمالی خواتین وبچوں کی رہائی پر آمادگی ظاہر کردی ہے۔القسام بریگیڈ ز کے ترجمان نے اپنے آڈیو پیغام میں کہا کہ انہوں نے قطری ثالثیوں کو بتایا ہے کہ اس دوران مکمل جنگ بندی ہونی چاہیے ۔ابو عبیدہ کا کہنا تھا کہ انہوں نے قطری ثالثیوں کو یہ بھی بتادیا ہے کہ یر غمالیوں کی رہائی کی صورت میں غزہ میں ہرانسانی امداد کی اجازت ہونی چاہیے ۔غزہ میں مسلسل 38 ویں روز اسرائیلی طیاروں کی بمباری سے شہدا ءکی تعداد 11 ہزار 240 سے زیادہ ہوگئی ہے ۔