جسٹس مظاہر نقوی نے رجسٹرار سپریم کورٹ کے نوٹس کا جواب جمع کرادیا

جسٹس مظاہر علی اکبر نقوی نے رجسٹرار سپریم کورٹ کے نوٹس کا جواب جمع کرادیا ۔جواب میں موقف اپنا یا ہے کہ میں نے دو آئینی درخواستیں سپریم کورٹ میں دائر کررکھی ہیں ، میری دونوں آئینی درخواستوں کو سماعت کیلئے مقرر کیاجائے ۔جسٹس مظاہر علی اکبر نقوی کا کہنا ہے کہ میری استدعا ہے کہ میرے خلاف جاری شوکاز نوٹس واپس لیا جائے ، میری آئینی درخواستیں تین رکنی کمیٹی کے سامنے رکھی جائیں ۔انہوں نے کہاکہ میری درخواستوں پر تاحال نمبر نہیں لگایاگیا ۔جسٹس مظاہر نقوی نے جواب کی کاپی سپریم کورٹ کی تین رکنی کمیٹی کو بھی بھجوا دی