ثنا اور ملک کی شادی کو ایک سال مکمل

لاہور: ماڈل ثنا جاوید اور مایہ ناز کرکٹر شعیب ملک کی شادی کو ایک سال مکمل ہو گیا۔اداکارہ ثنا جاوید نے شوہر شعیب ملک کے ساتھ اپنی شادی کی ان دیکھی خوبصورت تصویریں اور شعیب ملک نے ویڈیو شیئر کی ہے۔ویڈیو میں ثنا جاوید اور شعیب ملک کو ایک ساتھ خوش گوار موڈ میں دیکھا جا سکتا ہے۔تصویریں دیکھ کر معلوم ہوتا ہے کہ جیسے اس خوبصورت جوڑی کی مہندی کی رسم بھی ہوئی تھی۔
اداکارہ نے تصویریں پوسٹ کرتے ہوئے کیپشن میں لکھا ہے کہ شادی کی سالگرہ مبارک ہو میری محبت! آپ کے ساتھ زندگی خوبصورت ہے اور آپ ہیرو ہیں۔
کرکٹر شعیب ملک نے متعدد یادگار تصویروں پر مبنی ایک ویڈیو شیئر کی ہے جس کے کیپشن میں انہوں نے لکھا ہے کہ بہت سے خوبصورت دن اور یادیں ایک ساتھ! شادی کی سالگرہ مبارک ہو۔گزشتہ سال 20 جنوری کو ثنا جاوید اور شعیب ملک نے اپنی شادی کی تصویر انسٹا گرام پر شیئر کر کے اپنے مداحوں سمیت پاک بھارت عوام کو حیرانی میں مبتلا کر دیا تھا۔