ایم کیو ایم میں اختلافات شدید ، اہم رہنماﺅں کی پارٹی چھوڑنے کی دھمکی

کراچی ، ایم کیو ایم پاکستان میں ایک بارپھر شدید اختلافات پیدا ہوگئے ہیں ۔ایم کیو ایم پاکستان میں شدید اختلافات کے بعد بعض اہم رہنماﺅں نے پارٹی چھوڑنے کی بھی دھمکی دیدی ہے جبکہ ہفتے کو ڈاکٹر فاروق ستار کی ہونیوالی پریس کانفرنس بھی اچانک ملتوی کردی گئی ہے ۔ایم کیو ایم کے ایک اہم ترین رہنما جو کراچی میں اہم عہدے بھی رہ چکے ہیں ان کے کچھ اہم معاملات پر شدید تحفظات ہیں ان کی پی پی کی ایک اہم ترین خاتون رہنما کے ساتھ ملاقات کی خبر بھی گرم ہے ۔یہ بھی کہا جارہاہے کہ انہوں نے اپنے کچھ ساتھیوں کیساتھ پی پی میںشمولیت کی بھی دھمکی دی ہے ۔ہفتے کو رابطہ کمیٹی کے اجلاس میں پارٹی کے اختلافات پر سخت گرما گرمی کے بھی اشارے مل رہے ہیں ۔