الیکشن کمیشن نے انتخابی نشانات کی تبدیلی پر پابندی عائد کر دی

الیکشن کمیشن نے انتخابی نشانات کی تبدیلی پر پابندی عائد کر دی۔الیکشن کمیشن آف پاکستان نے انتخابی نشانات کی تبدیلی پر پابندی عائد کر دی۔الیکشن کمیشن نے صوبائی الیکشن کمشنر، ریٹرننگ افسران اور ڈسٹرکٹ ریٹرننگ افسران کو انتخابی نشان کے حوالے سے ہدایات جاری کر دی ہیں۔الیکشن کمیشن نے کہا ہے کہ اس مرحلے پر انتخابی نشان کی تبدیلی سے گریز کیا جائے، اگر کسی تبدیلی کی ضرورت ہو تو کمیشن سے پیشگی اجازت لی جائے۔ترجمان الیکشن کمیشن نے مزید کہا ہے کہ بیلٹ پیپرز کی چھپائی شروع ہوگئی ہے، انتخابی نشان میں تبدیلی ممکن نہیں ہے۔واضح رہے کہ گزشتہ روز پاکستان پیپلز پارٹی کی نائب صدر اور سینیٹر شیری رحمان نے پنجاب میں اپنی جماعت کے امیدواروں کے انتخابی نشان میں تبدیلی پر تشویش کا اظہار کیا تھا۔