اسلام آباد ہائیکورٹ:نیب کو واپس کیے گئے ریفرنس کی تفصیلات طلب

اسلام آباد ہائیکورٹ نے نیب ترمیمی آرڈیننس کے تحت نیب کو واپس کیے گئے ریفرنسز کی تفصیلات طلب کرلیں۔نیب کے مختلف ریفرنس کے مستقبل کے حوالے سے نیب کی درخواست پر سماعت ہوئی۔اسلام آباد ہائیکورٹ کے جسٹس محسن اختر کیانی اورجسٹس ارباب محمد طاہر نے نوٹس جاری کیے۔کیسز کی تفصیلات جاننے کیلئے نیب کے تفتیش افسران کو نوٹس جاری کر کے جواب طلب کیا گیا۔نیب نے نئے قانون کے بعد احتساب عدالت سے واپس بھجوائے گئے ریفرنسز کے مستقبل سے متعلق درخواست دائر کر رکھی ہے،واپس بھجوائے گئے ریفرنسز میں نامزد ملزمان نے بھی متفرق درخواستیں دائر کی ہوئی ہیں۔کیس کی سماعت14جنوری تک ملتوی کردی گئی۔