اربن فلڈنگ کی پیشگوئی ،راولپنڈی میں صفائی آپریشن شروع

محکمہ موسمیات کی جانب سے اربن فلڈنگ کی پیشگوئی کے بعد ضلعی انتظامیہ راولپنڈی نے نشیبی علاقوں میں ہنگامی بنیادوں پر صفائی آپریشن شروع کردیا راولپنڈی کے نشیبی علاقوں میں جدید مشینری کے ذریعے سیوریج لائنوں اورنالوں کی صفائی کا عمل شروع کردیاگیا ہے۔کمشنر راولپنڈی لیاقت علی چٹھہ نے رات گئے ڈی سی کے ہمراہ شہر کے مختلف علاقوں کا دورہ کیا ۔کمشنر راولپنڈی نے نالوں کی صفائی کا آپریشن تیز کرنے کی ہدایت بھی کی کمشنر راولپنڈی کا کہنا تھا کہ جدید مشینری سے سیوریج لائنیں کھولنے میں مد د ملے گی ۔انہوں نے کہا کہ نالہ لئی کی صفائی کا عمل ایک دو روز میں شروع کیاجائیگا۔