آرمی چیف جنرل سید عاصم منیر سعودی عرب اور امارات کے سرکاری دورے پر

راولپنڈی:آرمی چیف جنرل سید عاصم منیر گزشتہ روز سے سعودی عرب اور متحدہ عرب امارات کے سرکاری دورے پر ہیں۔پاک فوج کے شعبہ تعلقات عامہ(آئی ایس پی آر) کے مطابق آرمی چیف10جنوری تک دورے پر ہیں۔اس دوران وہ برادر ملکوں کی قیادتوں سے ملاقاتیں کرینگے۔ترجمان کے مطابق ملاقاتوں میں فوجی تعاون کے ساتھ دوطرفہ امور پر بات چیت ہوگی۔دوسری جانب سعودی خبر ایجنسی کے مطابق آرمی چیف جنرل سید عاصم منیر نے گزشتہ روز سعودی وزیر دفاع شہزاد خالد بن سلمان سے دا رالحکومت ریاض میں ملاقات کی جس میں دونوں ممالک کے مابین عسکری ودفاعی تعاون بڑھانے پر اتفاق کیا گیا۔سعودی وزیر دفاع نے جنرل سید عاصم منیر کو آرمی چیف بننے سے مبارکباد دیتے ہوئے دونوں ملکوں کے درمیان تعلقات مزید مضبوط بنانے کی ضرورت پر زور دیا۔