غزہ میں بچوں، عورتوں سمیت شہریوں کا قتل جائز تھا: امریکی سینیٹر

امریکی سینیٹر لنزے گراہم نے غزہ میں بچوں اور عورتوں سمیت شہریوں کی ہلاکت کو جائز قرار دیتے ہوئے کہا ہے کہ اسرائیل نے جو کچھ کیا وہ اپنے دفاع میں کیا۔

اسکائی نیوز عربیہ کو انٹرویو میں لنزے گراہم کا کہنا تھا کہ یہ جنگ ہے، اور جنگ میں سب کچھ جائز ہوتا ہے۔

امریکی سینیٹر نے کہا کہ ہم نے دوسری عالمی جنگ میں بھی جرمنوں کے خلاف کیا کچھ نہیں سوچا تھا۔ ہم نے ہر شہر پر بمباری کی تھی اور ان کے شہریوں کو بھوکا رکھا، اور کوئی ایک لمحہ بھی اس پر غور نہیں کیا۔

لنزے گراہم کا یہ بیان عالمی سطح پر شدید تنقید کا باعث بن رہا ہے۔ انسانی حقوق کی تنظیمیں اور متعدد ممالک نے ان کے بیانات کو غیر انسانی اور جنگی جرائم کے مترادف قرار دیا ہے۔