اسرائیلی وزیراعظم نیتن یاہو نے جنگ بندی کا مطالبہ نہیں کیا جو بائیڈن

امریکی صدر جو بائیڈن کا کہنا ہے کہ میں نے اسرائیلی وزیراعظم سے غزہ میں جنگ بندی کا مطالبہ نہیں کیا۔امریکی صدر جو بائیڈن اور اسرائیلی وزیراعظم نیتن یاہو کے درمیان ٹیلی فون پر بات چیت ہوئی ہے۔اس حوالے سے امریکی صدر جو بائیڈن نے کہا ہے کہ ان کی اسرائیلی وزیراعظم نیتن یاہو سے تفصیلی بات چیت ہوئی تاہم اس دوران میں نے اسرائیلی وزیراعظم سے جنگ بندی کے لیے نہیں کہا۔اسرائیلی میڈیا کا کہنا ہے کہ امریکی صدر جو بائیڈن اور اسرائیلی وزیراعظم نیتن یاہو کے درمیان پانچ گھنٹے تک بات چیت جاری رہی۔نیتن یاہو کے دفتر کے مطابق اسرائیلی وزیراعظم نیتن یاہو نے سلامتی کونسل میں امریکی موقف کی تعریف کی۔نیتن یاہو کے دفتر نے کہا کہ اسرائیلی وزیراعظم نے اہداف کے حصول تک جنگ جاری رکھنے پر زور دیا۔نیتن یاہو کے دفتر کا یہ بھی کہنا ہے کہ غزہ میں حماس کا خاتمہ اور یرغمالیوں کو آزاد کرانا جنگ کے مقاصد ہیں۔