امریکا کو دیوالیہ ہونے سے بچانے کیلئے اپوزیشن صدر بائیڈن کے ساتھ بیٹھنے پر تیار

امریکہ کو دیوالیہ ہونے سے بچانے کیلئے اپوزیشن ری پبلکن پارٹی بھی صدر بائیڈن کے ساتھ ترجوڑ کر بیٹھنے پر تیار ہوگئی،ایوان کے سپیکر کیون مک کار تھی نے صدر بائیڈن سے بدھ کو ملاقات پر آمادگی ظاہر کردی۔کیون مک کارتھی کا کہنا ہے کہ صدر بائیڈن کو قرض کی حد بڑھانے کے بدلے اخراجات میں کٹوتی کا سوچنا ہوگا۔انہوں نے کہا کہ ذمہ دارانہ رویہ اپنا کر قرض کی حد بڑھائی جاسکتی ہے۔ایوان کا سپیکر بننے کے کیون مک کارتھی نے بدھ کو صدر بائیڈن سے پہلی ملاقات پر آمادگی ظاہر کی ہے۔صدر بائیڈن پہلے ہی کہہ چکے ہیں کہ وہ اخراجات میں کٹوتی پر مذاکرات نہیں کرینگے۔وائٹ ہاؤس ترجمان کا کہنا ہے کہ قرض کی حد بڑھانا ملک کی ذمہ داری ہے تاکہ اقتصادی بحران سے بچا جاسکے۔