کینیڈا اور بھارت کے درمیان کشیدگی شدت اختیار کرگئی

کینیڈا اور بھارت کے درمیان سفارتی کشیدگی شدت اختیار کرگئی ، کینیڈا نے بھارت سے اپنے 62 میں سے 41 سفارت کار واپس بلانے کا اعلان کردیا ۔کینیڈا کی وزیر خارجہ نے بتایا کہ بیس اکتوبر کو بھارتی حکام نے اکیس کینیڈین سفارتکاروں اور ان کے اہلخانہ کو سفارتی استثنیٰ ختم ہونے سے متعلق باضابطہ طورپر آگاہ کردیا ہے۔بھارت اور کینیڈا کے درمیان تعلقات اسوقت کشیدہ ہوگئے تھے جب کینیڈا میں سکھ رہنما ہردیپ سنگھ نجر کے قتل کا الزام بھارت پر عائد کیاتھا۔خالصتان کے حامی سکھ رہنما ہردیپ سنگھ نجر کو کینیڈا میں اٹھارہ جون کو قتل کیاگیاتھا۔