غزہ میں روزانہ 10 سے زائد بچے اعضاءسے محروم ہو رہے ہیں، یونیسیف

اقوام متحدہ کے بچوں کے فنڈ یونیسیف کا کہنا ہے کہ غزہ میں روزانہ 10 سے زائد بچوں کو مسخ کیا جا رہا ہے۔یونیسیف نے ایک بیان میں کہا ہے کہ بچوں کے کمزور اعضاءدھماکوں کی وجہ سے زخمی ہونے کا زیادہ خطرہ ہیں۔یونیسیف کا کہنا ہے کہ 7 اکتوبر سے اب تک ایک ہزار سے زائد بچے ایک یا دونوں ٹانگوں سے معذور ہو چکے ہیں۔سیو دی چلڈرن نے اقوام متحدہ کی رپورٹ پر ردعمل میں کہا ہے کہ غزہ کے تنازعے میں بچوں کی تکلیف ناقابل تصور ہے۔سیو دی چلڈرن کا کہنا ہے کہ بچوں کے قتل اور معذوری کے ذمہ داروں کا احتساب ہونا چاہیے۔