لاہور:معروف اداکارہ صنم سعید نے طویل وقفے کے بعد ٹی وی سکرین پر واپسی کا اعلان کر دیا۔صنم سعید نے یہ اعلان اپنے آفیشل انسٹاگرام اکانٹ پر کیا جہاں انہوں نے ماضی کے یادگار ڈراموں کی جھلکیاں شیئر کرتے ہوئے بتایا کہ وہ ڈرامے میں “مس ماریہ” کا کردار نبھائیں گی۔
معروف اداکارہ جلد ہی ایک ڈرامہ سیریل میں اداکاری کے جوہر دکھاتی نظرآئیں گی، مداح ان کی واپسی پر خوشی کا اظہار کر رہے ہیں۔صنم آخری بار 2019 میں ڈرامہ “دیدن” میں جلوہ گرہوئی تھیں اس کے بعد وہ کچھ عرصہ ٹی وی سکرین سے دوررہیں تاہم “دوسرا چہرہ” میں حالیہ ظہور کے بعد اب وہ مکمل کم بیک کر رہی ہیں۔