سینئر اداکار خالد بٹ لاہور میں انتقال کر گئے

سینئر اداکار خالد بٹ لاہور میں انتقال کر گئے ۔سینئر اداکار خالد بٹ طویل علالت کے بعد لاہور میں انتقال کر گئے۔خاندانی ذرائع کے مطابق خالد بٹ کی نماز جنازہ کل بعد نماز عصر ادا کی جائے گی۔واضح رہے کہ خالد بٹ نے کئی فلموں اور ڈراموں میں کام کیا۔ انہیں پرائیڈ آف پرفارمنس سے بھی نوازا گیا۔نگراں وزیر اطلاعات مرتضیٰ سولنگی نے اداکار خالد بٹ کے انتقال پر اہل خانہ سے تعزیت اور ہمدردی کا اظہار کیا ہے۔اپنے ایک بیان میں مرتضیٰ سولنگی کا کہنا ہے کہ مرحوم نے متعدد ٹی وی ڈراموں، فلموں اور تھیٹر میں اپنی صلاحیتوں کے جوہر دکھائے۔مرتضیٰ سولنگی کا مزید کہنا تھا کہ خالد بٹ کے انتقال سے شوبز انڈسٹری کا خلا پر نہیں ہو گا۔