سیف علی خان کے گھر میں ڈکیتی، مزاحمت پر زخمی، ہسپتال منتقل

ممبئی: بالی ووڈ اداکار سیف علی خان کے گھر میں ڈکیتی کی کوشش کی گئی ہے، ڈکیتی کے دوران مزاحمت پر سیف علی خان زخمی ہو گئے جنہیں لیلاوتی ہسپتال منتقل کر دیا گیا۔ رپورٹس کے مطابق واقعہ صبح کے وقت ممبئی کے علاقے باندرا میں واقع اداکار سیف علی خان کے گھر میں پیش آیا۔
نامعلوم شخص نے چوری کی نیت سے سیف علی خان کے گھر میں گھسنے کی کوشش کی جس دوران اداکار پر چھری سے حملہ کرنے کی اطلاعات سامنے آئی ہیں۔ چور سیف علی خان کے گھر میں گھسنے میں کامیاب ہو گیا تھا جہاں انہوں نے مزاحمت کی جس پر وہ زخمی ہو گئے، واقعے کی خبر سامنے آنے کے بعد سیف علی خان کے مداحوں میں غم و غصہ پایا جا رہا ہے۔