سلامتی کونسل میں غزہ کی قرارداد پر ووٹنگ ملتوی

غزہ سے متعلق اقوام متحدہ کی سلامتی کونسل کی قرارداد پر ووٹنگ مسلسل دوسرے روز بھی ملتوی کر دی گئی، نئی قرارداد پر ووٹنگ اب بدھ کو ہو گی۔خبر رساں ادارے کے مطابق رکن ممالک کے درمیان قرارداد کے مسودے پر اختلاف ہے۔اطلاعات کے مطابق اسرائیل اور امریکا قرارداد میں جنگ بندی کی اصطلاح استعمال کرنے کے مخالف ہیں۔خبر رساں ادارے کے مطابق مسودے میں جنگ بندی، معاہدے یا انسانی بنیادوں پر جنگ بندی کے الفاظ میں اختلافات ہیں۔واضح رہے کہ چند روز قبل امریکا نے جنگ بندی کی قرارداد کو ویٹو کر دیا تھا۔اقوام متحدہ کی جنرل اسمبلی میں بھاری اکثریت سے جنگ بندی کی قرارداد منظور ہونے کے بعد سلامتی کونسل پر کارروائی کے لیے دباو¿ بڑھ گیا ہے۔