دبئی سٹی:دبئی میں دنیا کا پہلا سپر ماڈل روبوٹ کیفے اگلے سال کھولا جائے گا جہاں گاہکوں کی خوش آمدید کہنے کے لئے ایک سپر ماڈل کا روبوٹ بنایا گیا ہے۔واضح رہے کہ یہ خاتون روبوٹ ہوبہو ڈیانا گینڈیولینا کی جیسی لگتی ہیں جو مشرقی یورپ کی مشہور ماڈل ہیں تاہم ڈیانا کی روبوٹ جڑواں کو کیشیئر کے طورپر بٹھایا جائے گا۔اس کے علاوہ روبوٹ خاتون گاہکوں کو خوش آمدید کہتے ہوئے ان سے بات کریں گی اور ایک مرتبہ تعارف ہونے کے بعد وہ ان کے نام اور شکلیں بھی یاد رکھیں گی۔
ابتدائی اطلاعات کے مطابق اس ریستوران کا نام ڈونا سائبر کیفے رکھا گیا ہے جس میں انسانی قد کے برابر خاتون روبوت ہوں گی اور وہ سپر ماڈل کی نقل کے طورپر بنائی گئی ہے۔آر ڈی آئی نامی کمپنی کی تیار کردہ روبوٹ کی آنکھیں حقیقت سے قریب بنائی گئی ہے اور چہرے پر سلیکن کی جلد منڈھی گئی ہے۔
