حماس رہنما کی شہادت، رام اللہ میں لوگ سڑکوں پر نکل آئے

لبنان کے دارالحکومت بیروت میں اسرائیلی ڈرون حملے میں حماس کے رہنما صالح العروری کی ہلاکت کے بعد مغربی کنارے کے شہر رام اللہ میں لوگ سڑکوں پر نکل آئے۔عرب میڈیا کے مطابق فلسطینیوں نے بدھ کو رام اللہ میں مکمل ہڑتال کی کال دی ہے، رام اللہ کا العروہ قصبہ شہید صالح العروری کا آبائی شہر ہے۔دوسری اقوام متحدہ کا کہنا ہے کہ حماس رہنما کی ہلاکت کے بعد صورتحال انتہائی پریشان کن ہو گئی ہے۔اقوام متحدہ کے سیکرٹری جنرل انتونیو گوتریس کے ترجمان نے گفتگو کرتے ہوئے کہا کہ بڑھتی ہوئی کشیدگی اور حالات کی نزاکت کے پیش نظر فریقین سے تحمل کا مطالبہ کیا جاتا ہے۔سیکرٹری جنرل کے ترجمان نے مزید کہا کہ جلد بازی میں کوئی ایسا اقدام نہیں ہونا چاہیے جس سے مزید تشدد کو ہوا ملے۔