ایران کی آیت اللہ علی خامنہ ای کی توہین پر چارلی ہیبڈو کیخلاف انتقامی کارروائی کی دھمکی

تہران:ایرانی جنرل حسین سلامی نے آیت اللہ سید علی خامنہ ای کے توہین آمیز خاکے بنانے پر فرانسیسی میگزین”چارلی ہیبڈو“ سے انتقام کا عندیہ دے دیا۔فرانسیسی میگزین چارلی ہیبڈو میں رہبراعلیٰ آیت اللہ علی خامنہ ای کے توہین آمیز خاکوں کی پوری سیریز جاری کرنے پر ایران اور فرانس کے تعلقات میں کشیدگی میں پیدا ہوگئی۔چارلی ہیبڈو میگزین کی جانب سے ایران کی اعلیٰ سیاسی شخصیت اورمذہبی رہنما کی توہین پر ایران کے اعلیٰ حکام بشمول صدر،وزیر خارجہ اورجنرلز کی جانب سے مذمتی بیانات سامنے آئے ہیں جب کہ تہران میں واقع فرانسیسی سفارتخانے کے سامنے شدید مظاہرہ بھی کیا گیا ہے۔ایران پاسداران انقلاب کے سربراہ جنرل حسین سلامی نے اپنے بیان میں کہا کہ”مسلمان“ جلد یا تاخیر“ چارلی ہیبڈو سے انتقام ضرور لیں گے۔میجر جنرل حسین سلامی نے زاہدان میں خطاب کرتے ہوئے کہاکہ چارلی ہیبڈومیگزین کے مالک کو سلمان رشدی کا انجام یاد رکھنا چاہیے۔جس نے33برس قبل رسولؐ اور قرآن مجید کی توہین کرنے کی جسارت کی اوریورپ میں روپوش ہوگیا لیکن کئی برس بعد بھی ایک بہادرنوجوان اٹھا اور سلمان رشدی سے انتقام کیا اور اسے وقت اسے بچانے والا کوئی نہیں تھا۔