امریکا کے بعد برطانیہ نے بھی ٹک ٹاک پرپابندی عائد کردی

برطانیہ نے سکیورٹی خدشات کی وجہ سے سرکاری اداروں کے دفاتر میں استعمال ہونیوالی ڈیوائسز پر چینی ایپلی کیشن ٹک ٹاک، پرفوری پابندی عائد کرنے کا اعلان کردیا۔ اسٹیٹ سیکریٹری اور سائبر سکیورٹی کے وزیر اولیور ڈاؤڈن نے پارلیمنٹ کو بتایا کہ ہم فوری طورپر سرکاری اداروں پر ٹک ٹاک کے استعمال پر پابندی لگادینگے۔انہوں نے کہا کہ سرکاری آلات سے وابستہ مخصوص خطرات کے پیش نظر جن میں حساس معلومات ہوسکتی ہیں بعض ایپلی کینشنز کے استعمال کو محدود کرنا دانشمند انہ اورمناسب اقدام ہے، خاص طورپر وہ جو کہ بڑی مقدا ر میں ڈیٹا تک رسائی اور خیزہ کرتی ہیں اولیور ڈاؤڈن کا کہنا ہے کہ ہمارا نقطہ نظر امریکہ کینیڈا اور یورپی یونین کی طرف سے لگائی گئی پابندیوں کی پیروی کرتاہے۔بدھ کے روز چین نے امریکہ پر زور دیا تھا کہ وہ ٹک ٹاک پر بلا اشتعال حملے بند کرے واشنگٹن نے چینی پیرنٹ کمپنی بائٹ ڈانس سے کہا تھا کہ وہ ایپ میں اپنے حصص چھوڑ دے یا قومی سلامتی کی بنیادوں پرپابندی کا سامنا کرے۔