اسرائیل کو اپنے دفاع کا حق نہیں ، وہ قابض ہے ، روس

روس نے دوٹوک اعلان کیا ہے کہ اسرائیل کو اپنے دفاع کا کوئی حق نہیں ، وہ قابض ہے ،اقوام متحدہ کو یہ حق حاصل نہیں کہ وہ اسرائیل کو غزہ میں زمینی کارروائی کامینڈیٹ دے اس موقع پر روس نے بحران خطے میں پھیلنے سے روکنے اور سفارتی حل کے مطالبے پرزور دیا۔27 روز بمباری کے بعد غزہ شہر کا ٹینکوں سے محاصرہ کیاگیا ہے ، اسرائیل نے چاروں طرف سے گھیر کر فلسطینیوں کے قتل عام کی ٹھان لی ہے ۔اسرائیلی طیاروں کی بمباری بھی جاری ہے جس سے شہید فلسطینیوں کی تعداد نو ہزار 200 ہوگئی جبکہ چوبیس ہزار فلسطینی زخمی ہیں ۔