شمالی کوریا کا نئے اسٹریٹجک کروز میزائل کا تجربہ

شمالی کوریا کا نئے اسٹریٹجک کروز میزائل کا تجربہ ۔ تفصیلات کے مطابق شمالی کوریا نے ایک ہفتے میں دوسری بار اپنے نئے اسٹریٹجک کروز میزائل کا تجربہ کیا ہے۔خبر رساں اداروں کے مطابق میزائل کا تجربہ آبدوز سے کیا گیا، شمالی کوریا کے صدر کم جونگ ان نے تجربے کا معائنہ کیا۔شمالی کوریا کی سرکاری خبر رساں ایجنسی کا کہنا ہے کہ میزائل نے ملک کے مشرقی ساحل سے سمندر کے اوپر 2 گھنٹے تک پرواز کرنے کے بعد کامیابی سے اپنے ہدف کو نشانہ بنایا۔غیر ملکی میڈیا کے مطابق یہ میزائل تجربہ فوج کو جدید بنانے کے لیے تزویراتی اہمیت کا حامل ہے اور اس کا مقصد ملک کو طاقتور بحری قوت بنانا ہے۔