بلدیاتی الیکشن لڑنے یا بائیکاٹ سے متعلق فیصلہ شام تک کریں گے،مصطفی کمال

پاک سرزمین پارٹی کے چیئرمین مصطفی کمال کا کہنا ہے کہ بلدیاتی الیکشن لڑنے یا بائیکاٹ سے متعلق فیصلہ کریں گے۔کراچی میں میڈیا سے بات کرتے ہوئے مصطفیٰ کمال نے کہا کہ ابھی تو پوری شام پڑی ہے جو فیصلہ ہوگا سب کو آگاہ کردیا جائے گا۔انہوں نے کہا کہ آج حلقہ بندیاں صحیح کرلیں کل الیکشن کرالیں،کام تو کراچی میں ہمارے دور حکومت میں ہوا ہے،میں وہ شخص ہوں جس کے ہاتھوں سے کراچی بنا ہے۔،مصطفیٰ کمال کا کہنا ہے کہ ملک کو اس وقت بحران سے نکالنے کے لئے اتحاد کی ضرورت ہے،اپنی اناکے چکر میں ملک کے ساتھ ناانصافی نہ کریں،اقتدار میں موجود لوگ کراچی کو اس کا حق دیں۔دوسری جانب کراچی اور حیدر آباد میں کل ہونے والے بلدیاتی انتخابات کے حوالے سے متحدہ قومی موومنٹ پاکستان نے اجلاس طلب کرلیا ہے۔