مین آف دی سیریز کے ایوارڈ میں گاڑی ملنے کے بعد امام نے بابر کو کیا مشورہ دے دیا؟

آسٹریلیا کے خلاف 3 میچز کی ون ڈے سیریز میں شاندار کارکردگی دکھاتے ہوئے 276 رنز اسکور کرنے پر پاکستان کرکٹ ٹیم کے کپتان بابر اعظم کو مین آف دی سیریز کے ایوارڈ سے نوازا گیا جبکہ انعام میں ایک چمچماتی لال رنگ کی گاڑی بھی دی گئی۔

تاہم آسٹریلیا کے خلاف ون ڈے سیریز میں سب سے زیادہ 298 رنز بنانے والے امام الحق نے ساتھی کرکٹر بابر کو انعام میں ملنے والی گاڑی پر نظر جمالی ہے۔

امام نے سماجی رابطے کی ویب سائٹ ٹوئٹر پر بابر کی تصویر والی پوسٹ کوشیئر کرتے ہوئے انہیں ایک قیمتی مشورہ دیا۔ امام نے لکھا کہ ‘ صدقے ، ویسے وہ کار کی چابی چھپا کر رکھنا ، مجھے سے غائب نہ ہوجائے’۔

واضح رہے کہ پاکستان نے آسٹریلیا کو 3 ون ڈے میچز کی سیریز میں 1-2سے شکست دی تھی جبکہ سیریز میں امام اور بابر نے 2،2 سنچریاں اسکور کی تھیں۔