صرف 78 رنز پر آل آؤٹ: بھارتی ٹیم سوشل میڈیا پر مذاق بن گئی، صارفین کے دلچسپ تبصرے

انگلینڈ کے خلاف تیسرے ٹیسٹ میچ میں بھارتی ٹیم کی بدترین کارکردگی پر سوشل میڈیا صارفین نے کھلاڑیوں کو نشانے پر لے لیا، مزاحیہ تبصروں کے ذریعے ٹیم کی خوب درگت بنائی۔

تفصیلات کے مطابق انگلینڈ اور بھارت کے درمیان کھیلے جارہے تیسرے ٹیسٹ کا پہلا روز بھارت کے لیے ڈراؤنا خواب ثابت ہوا تھا اور وہ صرف 78 رنز کے مجموعے پر آل آؤٹ ہوگئی تھی۔ یہ بھارت کی انگلینڈ کی سرزمین پر 47 سال بعد بدترین کارکردگی ہے، قبل ازیں 1974 میں بھارتی ٹیم مانچسٹر ٹیسٹ کی دوسری اننگز میں 52 رن بناکر آؤٹ ہوئی تھی۔

بھارتی ٹیم کی ناقص کارکردگی پر کیے جانے والے تبصرے سوشل میڈیا پر ٹرینڈ بنے۔ سماجی رابطے کی سائٹ ٹوئٹر پر ایک صارف نے طنزیہ انداز میں لکھا مذکورہ میچ کے دوران بھارتی کھلاڑیوں کی بیٹنگ کے بعد یوگنڈا نے بھی آئی سی سی سے ٹیسٹ اسٹیٹس دینے کا مطالبہ کردیا ہے۔