سوشل میڈیا صارفین نے محمد رضوان کو ’سپرمین‘ قرار دیدیا

لاہور : جنوبی افریقہ کے خلاف ٹی ٹوئنٹی میچ میں یادگار سنچری بناکر ٹیم کی فتح میں اہم کردار ادا کرنے والے محمد رضوان کی زبردست کارکردگی کو سوشل میڈیا پر خوب سراہا جارہا ہے۔

لاہور کے قذافی اسٹیڈیم جنوبی افریقہ اور قومی ٹیم کے مابین کھیلے گئے ٹی ٹوئنٹی میچ میں کپتان بابر اعظم بغیر کوئی رن بنائے پویلین لوٹے تو دیگر کھلاڑیوں نے بھی ناقص کارکردگی کا مظاہرہ لیکن وکٹ کیپر محمد رضوان کی بہترین کارکردگی نے ٹیم کو فتح دلوانے میں اہم کردار ادا کیا۔

محمد رضوان نے 64 گیندوں پر چھ چھکوں اور سات چوکوں کی مدد سے ناقابل شکست 104 رنز بناکر ٹیم کا مجموعی اسکور 169 تک پہنچایا تھا، جسے پاکستانی بولرز نے انتہائی مقابل ٹیم کےلیے انتہائی مشکل اسکور بنادیا۔

محمد رضوان کو صرف بہترین بلے بازی کی وجہ سوشل میڈیا پر نہیں سراہا جارہا بلکہ وہ جنوبی افریقہ کے اوپنر جاننے منان کو شاندار انداز میں رن آوٗٹ کرنے بھی موضوع گفتگو بنے ہوئے ہیں۔

پاکستان سپر لیگ کی دو مرتبہ فاتح رہنے والی ٹیم اسلام آباد یونائیٹڈ کے ٹوئٹر اکاوٗنٹ نے جاننے منان کو رن آوٗت کرنے کی تصویرشیئر کرتے ہوئے کیپشن دیا گیا ’ان کے پاس جاننے منان ہے تو ہمارے پاس سپر مین ہے‘۔

انٹرنیشنل کرکٹ کونسل نے محمد رضوان کی تصویر شیئر کرتے ہوئے ان کی ٹی ٹوئنٹی میچ میں بنائی گئی پہلی سینچری کو تاریخی سینچری قرار دیا گیا جبکہ کچھ غیر ملکی خبر رساں اداروں کی جانب سے محمد رضوان کو گیم چینجر کے لقب سے نوازا گیا۔