کامران اکمل زیادہ بار ٹونٹی ٹونٹی میں صفر سے دوچار ہونیوالے دوسرے ملکی بلے باز بن گئے

لاہور(نیوزڈسک) سینٹرل پنجاب کے وکٹ کیپر بلے باز کامران اکمل ٹونٹی ٹونٹی کرکٹ میں زیادہ مرتبہ صفر کی خفت سے دوچار ہونے والے دوسرے پاکستانی بلے باز بن گئے ۔ راولپنڈی کرکٹ سٹیڈیم میں خیبرپختونخواہ کے خلاف میچ میں کامران اکمل نے عمران خان سینئر کا سامنا کیا اور 6 گیندوں کھیلنے کے باوجود بغیر کوئی رن بنائے وکٹوں کے پیچھے کیچ آئوٹ ہوگئے ۔

یہ کامران اکمل کے ٹونٹی ٹونٹی کیریئر میں 26 واں موقع تھا جب وہ صفر کی خفت سے دوچار ہوئے جس کے ساتھ وہ زیادہ بار صفر پر آئوٹ ہونے والے ملکی بلے بازوں میں دوسرے نمبر پر آگئے،کسی پاکستانی کی جانب سے اس فارمیٹ میں زیادہ بار صفرپر آئوٹ ہونے کا منفی ریکارڈ کامران اکمل کے چھوٹے بھائی عمر اکمل کے پاس ہے جواب تک 27 مرتبہ بغیر کوئی سکور بنائے آﺅ ٹ ہوئے ہیں ، قومی ٹیم کے سابق کپتان شاہد آفریدی 24 مرتبہ بغیر کوئی رن بنائے پوویلین لوٹے،سابق ٹی ٹونٹی کپتان محمد حفیظ اور فاسٹ باﺅلر سہیل تنویر 23،23 مرتبہ صفر پر آﺅٹ ہوچکے ہیں ،قومی اوپنر احمد شہزاد 17 مرتبہ اپنے نام کے آگے انڈہ درج کروا کر پوویلین لوٹے۔

آل رائونڈر عماد وسیم اور وہاب ریاض 16،16 مرتبہ بغیر کوئی رن بنائے پوویلین لوٹے ہوئے ہیں ،خرم منظور بھی 15 مرتبہ صفر پر آﺅٹ ہوچکے ہیں ،سابق کپتان شعیب ملک بھی 14 مرتبہ صفر کی خفت سے دوچار ہوئے ہیں،عمر گل اور یاسر عرفات 13،13مرتبہ بغیر کوئی رن بنائے پوویلین لوٹے،فاسٹ باﺅلرمحمد سمیع، شاداب خان اورآصف علی بھی 12،12 مرتبہ صفر کی خفت سے دوچار ہوئے،لیگ سپنر یاسر شاہ اور سابق آل راﺅنڈر اظہر محمود 11،11 مرتبہ صفر کی خفت سے دوچا ر ہوئے، قومی وائٹ بال کپتان بابراعظم اور فاسٹ بائولر سہیل خان بھی 10،10 مرتبہ بغیر کوئی رن بنائے پوویلین لوٹ چکے ہیں۔