بھارتی گلوکار ٹریفک حادثے میں ہلاک

بھارت کے مشہور پنجابی گلوکار دلجان ایک خوفناک کار حادثے میں جاں بحق ہوگئے ۔ دلجان گزشتہ رات امرتسر سے کرتارپور جارہے تھے جہاں جنڈیالہ گرو کے قریب ان کی گاڑی خوفناک حادثے کا شکار ہوگئی۔

جنڈیالہ گرو کے قریب دلجان کی گاڑی تیز رفتاری کے باعث ٹرک سے جا ٹکرائی جس کے نتیجے میں گلوکار موقع پر ہی دم توڑگئے۔ دلجان کی فیملی کینیڈا میں مقیم ہے اور حادثے کے وقت وہ گاڑی میں اکیلے تھے۔

گلوکار کی اچانک موت نے مداحوں کو بھی گہرے صدمے میں مبتلا کردیا ہے جس کا اظہار وہ دلجان کی آخری سوشل میڈیا پوسٹ پر کمنٹ کے ذریعے کررہے ہیں۔

خیال رہے کہ دلجان کی کچھ روز قبل شیئر کی گئی انسٹاگرام پوسٹ کے مطابق ان کے نئے گانے جلد ریلیز کیے جانے تھے۔