بگ باس 14 کے اعجاز خان اور پوترا کب شادی کررہے ہیں؟

بھارت کے معروف رئیلیٹی شو بگ باس 14 میں اداکارہ پوترا پونیا کی محبت میں گرفتار ہونے والے بھارتی اداکار اعجاز خان نے حال ہی میں پوترا پونیا سے شادی کے حوالے سے بتایا ہے۔

اعجاز خان کا کہنا تھا کہ ابھی شادی کرنے کے لیے بہت پاپڑ بیلنے ہیں، انشاءاللہ شادی ہوگی اور بہت صحیح وقت پر ہو گی، اگر تمام تر چیزیں ٹھیک رہی تھیں تو پوترا پونیا سے اسی سال شادی کر لیں گے۔ انہوں نے بتایا کہ بگ باس کے گھر سے نکلنے کے بعد وہ سب سے پہلے اپنے بھائی اور والد سے ملے اور انہیں بتایا کہ وہ پوترا کو بہت پسند کرتے ہیں جس پر والد نے کہا کہ اگر تم خوش ہو تو ہم بھی خوش ہیں۔

بگ باس 14 میں بھارتی اداکار اعجاز خان اداکارہ پوترا پونیا کی محبت میں گرفتار ہوئے جس کے بعد پوترا نے بھی ان سے محبت کا اقرار کیا تھا۔