شادی شدہ صدف کنول کا فلموں میں آئٹم نمبر کرنے سے انکار

لاہور: اداکارہ صدف کنول نے اعلان کیا ہے کہ اب وہ فلموں میں آئٹم نمبر نہیں کریں گی، شادی کے بعد آفرز آئیں جنہیں ٹھکرا دیا۔

میڈیا رپورٹ کے مطابق فلم نامعلوم افراد 2 میں آئٹم نمبر کر کے تہلکہ مچانے والی صدف کنول کا کہنا ہے کہ اب پہلے کی طرح غیر شادی شدہ نہیں ہوں کہ آئٹم نمبر میں پرفارم کروں، کئی آفرزملیں لیکن انکار کر دیا۔

انہوں نے شہروز سبزواری سے شادی کرنے پر تنقید کے معاملے پر کہا کہ وہ چاہتی ہیں کہ اس حوالے سے ان پر مزید تنقید کی جائے تا کہ ان کے گناہ دھل جائیں۔ انہوں نے کہا آئٹم نمبر کیف و سرور میں اپنی پرفارمنس کو بہترین مانتی ہوں تاہم اب ایسا کرنا میرے لئے ممکن نہیں۔