شائقین کے لیے خوش خبری، ’آئرن مین‘ کی کار مارکیٹ میں متعارف

جرمنی: ہالی ووڈ کی مشہور و معروف فلم Avengers Endgame میں آئرن مین نے جو کار چلائی تھی، وہ اب حقیقت میں بھی مارکیٹ میں متعارف کرا دی گئی ہے۔ آئرن مین کی کار ای ٹرون جی ٹی گرینڈ ٹور (Audi e-tron GT) مارکیٹ میں متعارف کرا دی گئی، معروف جرمن آٹو موبائل مینوفیکچرر آڈی کی یہ کار بھی ہائی پروفائل فلمی کرداروں میں دکھائی جانے والی مستقبل کی جدید ترین کاروں کی تیاری کا تسلسل ہے۔
مزید پڑھیں: دنیا کی تیز ترین الیکٹرک کار تیار

ای ٹرون جی ٹی گرینڈ ٹور نامی یہ جدید ترین الیکٹرک کار اپریل 2019 کی فلم ایونجرز اِنڈ گیم میں ٹونی سٹارک (رابرٹ ڈونی جونیئر) نے چلائی تھی، اور تقریباً دو سال بعد ہی آڈی نے یہ کار ڈیلر شورومز پہنچا دی ہے۔آڈی نے ای ٹرون جی ٹی گرینڈ ٹور الیکٹرک کار کے اس نئے ورژن کی قیمت 1 لاکھ 33 ہزار 105 برطانوی پاؤنڈ مقرر کی ہے جو کہ گزشتہ ورژن سے تقریباً دوگنی ہے۔

دنیا کی تیز ترین الیکٹرک کار تیار

اس گاڑی کی خصوصیات میں صرف 3.3 سیکنڈ کے سپر کار پرفارمنس وقت میں 62 میل فی گھنٹہ رفتار سے آغاز کرنا اور 296 میل تک کی حد سے لطف اندوز ہونا شامل ہے۔ای ٹرون جی ٹی گرینڈ ٹور کا گیس یا زہریلے مادوں کا اخراج صفر ہے اس لیے اس کار کے استعمال سے آلودگی میں کمی آئے گی، ہالی ووڈ اداکار رابرٹ ڈونی جونیئر نے بیٹری سے چلنے والی جی ٹی کا ابتدائی پروٹو ٹائپ چلایا۔