شاہ محمود قریشی کی روسی وزیر خارجہ سے ملاقات
وزیر خارجہ شاہ محمود قریشی نے ماسکو میں روسی وزیر خارجہ سرگئی لاوروف سے ملاقات کی اور دوطرفہ تعلقات سمیت مختلف امور پر گفتگو کی۔
ترجمان دفتر خارجہ کے مطابق وزیرخارجہ شاہ محمود قریشی نے وفد کے ساتھ روسی وزیر خارجہ سے ملاقات کی جس میں مختلف شعبوں میں تعاون بڑھانے اور عالمی امور پر گفتگو کی گئی اور وزرائے خارجہ نے پاک روس دوطرفہ تعلقات کے تمام پہلوؤں کا جائزہ لیا۔
ضرور پڑھیں: یوکرین کا 5 روسی طیارے اور ایک ہیلی کاپٹر مار گرانے کا دعویٰ
شاہ محمود قریشی کا کہنا تھا کہ پاکستان روس کے ساتھ دوطرفہ تعلقات کو خصوصی اہمیت دیتا ہے، پاکستان اور روس کے تعلقات بتدریج مستحکم ہوئے ہیں۔
ضرور پڑھیں: وزیراعظم عمران خان اور روسی صدر پیوٹن کی ملاقات کا شیڈول تبدیل
شاہ محمود قریشی نے مزید کہا کہ وزیراعظم عمران خان کے وژن کی روشنی میں اقتصادی ترجیحات پر عمل پیرا ہیں، علاقائی روابط کے فروغ کے ایجنڈے پر بھی عمل پیرا ہیں۔