مہنگائی صرف پاکستان میں ہی نہیں دنیا بھر میں بڑھ رہی ہے: صدر مملکت

صدر مملکت ڈاکٹر عارف علوی کا کہنا ہے کہ پاکستان مہنگائی سے متاثر ہونے والا دنیا کا واحد ملک نہیں بلکہ پوری دنیا میں مہنگائی بڑھ رہی ہے۔ ڈاکٹر عارف علوی نے کہا کہ افغانستان میں تبدیلیوں کے لیے پاکستان کا کوئی فعال کردار نہیں، پاکستان صرف انسانی بنیادوں پر طالبان حکومت کی مدد کر رہا ہے۔

دوران انٹرویو صد ر مملکت نے گوادر اور دبئی کی بندرگاہوں میں تعاون کی پیش کش بھی کی اور کہا کہ گوادر پورٹ 2021 میں مکمل آپریشنل ہوجائے گی۔ ڈاکٹر عارف علوی کا مزید کہنا تھا کہ پاکستان سرمایہ کاری کو فروغ دینے کے لیے یو اے ای کی بطور مثال پیروی کرنا چاہتا ہے۔