وزیر خارجہ 3 روزہ دورے پر لندن پہنچ گئے

لندن: وزیر خارجہ شاہ محمود قریشی امریکا کے 6 روزہ دورے کے بعد لندن پہنچ گئے جہاں وہ برطانوی ہم منصب سے ملاقات سمیت اہم ملاقاتیں کریں گے۔

تفصیلات کے مطابق وزیر خارجہ شاہ محمود قریشی برطانیہ کے 3 روزہ دورے پر لندن پہنچ گئے، وزیر خارجہ آج رات پاکستان ہاؤس میں منعقدہ عشایئے میں شرکت کریں گے۔ عشایئے میں وزیر خارجہ پاکستانی کمیونٹی کی نمائندہ شخصیات سے ملاقات کریں گے جبکہ برطانوی فارن افیئرز کمیٹی کے سربراہ اور ارکان پارلیمنٹ سے بھی ملاقاتیں کریں گے۔

وزیر خارجہ برطانوی ہم منصب الزبتھ ٹرس سے ملاقات کریں گے، ملاقات میں دو طرفہ تعلقات، کثیر الجہتی شعبہ جات میں دو طرفہ تعاون اور اہم علاقائی و عالمی امور پر تبادلہ خیال کیا جائے گا۔ شاہ محمود قریشی لندن میں میڈیا نمائندگان سے بھی گفتگو کریں گے اور پاک برطانیہ تعلقات اور علاقائی و عالمی امور پر نقطہ نظر سے آگاہ کریں گے۔ وزیر خارجہ کا دورہ برطانیہ دونوں ممالک کے مابین اعلیٰ سطح کے روابط کے فروغ کا مظہر ہے۔