سندھ حکومت کا عوامی مسائل کے حل کیلئے بڑا فیصلہ

کراچی : سندھ حکومت نےعوامی مسائل کے حل کیلئے صوبے بھر میں کھلی کچہریوں کے انعقاد کا فیصلہ کرلیا ، ارکان عوامی مسائل کے حل کیلئے شکایات سن کر رپورٹ وزیراعلیٰ کو پیش کریں گے۔

تفصیلات کے مطابق سندھ حکومت نےعوامی مسائل کےحل کیلئے بڑا فیصلہ کر لیا ، وزیراعلیٰ سندھ مراد علی شاہ کی ہدایت پرصوبےبھرمیں کھلی کچہریوں کاانعقادہوگا ، اس حوالے سے وزرا، مشیروں اور معاون خصوصی کو ٹاسک حوالے کردیا گیا ہے۔

ارکان عوامی مسائل کے حل کیلئے شکایات سن کر رپورٹ وزیراعلیٰ کوپیش کریں گے ، ڈسٹرکٹ ویسٹ میں کھلی کچہریوں کاانعقاد 8ستمبر سے23 اکتوبر تک ہوگا جبکہ وزیراعلیٰ سندھ حیدرآباد ڈویژن کی کھلی کچہری 25 ستمبر کو کریں گے۔ سکھرڈویژن کی کھلی کچہری 2،میرپورخاص کی کھلی کچہری 9اکتوبر ، 16اکتوبرکولاڑکانہ ،شہیدبینظیر آبادمیں 23اکتوبرکوکھلی کچہری ہوگی ، کھلی کچہریوں میں صوبےکی بیورو کریسی کو بھی شرکت کی ہدایات جاری کردی گئی ہے۔