حیدرآباد میں کورونا مثبت کیسز کی شرح 15 فیصد تک پہنچ گئی، لاک ڈاؤن کی تجویز

حیدرآباد میں کورونا وائرس کے کیسز مزید 176 کیسز سامنے آگئے جس کے بعد شہر میں فعال کورونا کیسز کی تعداد 1100 سے تجاوز کر گئی جبکہ کیسز میں اضافے کی شرح 15 فیصد رہی۔ ڈپٹی کمشنر حیدرآباد فواد سومرو نے بتایا کہ حیدرآباد میں کورونا وائرس کی نئی قسم برطانیہ سے آئی ہے، یہ کورونا وائرس کی نئی قسم ہے اس کے لیے لمس کے پروفیسر ڈاکٹر اکرام اجن سے کہا ہے کہ وہ اس حوالے سے آگاہ کریں۔

یہ بھی پڑھیں لاہور میں کورونا ایس او پیز کی خلاف ورزیوں پر کارروائیاں جاری

دوسری جانب ڈسٹرکٹ ہیلتھ آفیسر ڈاکٹر لالہ جعفر پھٹان نے فون پر بتایا کہ حیدرآباد میں کورونا کیسز میں اضافہ تشویشناک ہے، ڈپٹی کمشنر حیدرآباد کو بھی لاک ڈاؤن لگانے کی تجویز دی ہے۔ ان کا کہنا ہے کہ جس طرح شہری ایس او پیز پر عمل نہیں کر رہے، کیسز میں مزید اضافے کا امکان ہے، لیاقت یونیورسٹی کے وارڈ کورونا وائرس کے مریضوں سے بھر گئے ہیں۔