کراچی: ملیر سے کالعدم تحریک طالبان کا دہشتگرد گرفتار

کراچی: پولیس نے ملیر سے کالعدم تحریک طالبان کا دہشتگرد گرفتار کرنے کا دعویٰ کیا ہے۔
پولیس کے مطابق ضلع ملیر سے گرفتار کیے گئے دہشتگرد کا تعلق کالعدم تحریک طالبان باجوڑی گروپ سے ہے اور یہ دہشتگرد افغانستان سے تربیت یافتہ ہے۔

یہ بھی پڑھیں بدقسمتی سے دینی اور سیاسی جماعتیں اسلام کو غلط استعمال کرتی ہیں: وزیراعظم

پولیس کا کہنا ہےکہ دہشتگرد نے جدید اقسام کے اسلحے اور بارود چلانےکی تربیت افغانستان سے حاصل کی، اس نے بارڈر کے قریب چارمنگ باجوڑ پر سکیورٹی فورسز پر حملہ کیا جس کے نتیجے میں ایک سپاہی نے جام شہادت نوش کیا۔

پولیس کے مطابق دہشتگرد باجوڑ سے افغانستان آنے اور جانے کے خفیہ راستوں کی مکمل معلومات رکھتا ہے جب کہ اس کے قبضے سے غیر قانونی اسلحہ برآمد کرکے مقدمہ درج کرلیا گیاہے۔