کورونا وائرس کی تیسری لہر : لاہور میں ایک اور پابندی لگا دی گئی

لاہور : پنجاب میں کورونا وائرس کے تیزی سے بڑھتے ہوئے کیسز کے بعد متعلقہ حکام نے کورونا پابندیوں میں مزید اضافہ کردیا۔

اس حوالے سے ذرائع نے بتایا ہے کہ لاہور سمیت پنجاب کے 9شہروں میں ہر طرح کی ٹرانسپورٹ پر پابندی عائد کردی گئی ہے۔

ٹرانسپورٹ کمپنی کی جانب سے پبلک ٹرانسپورٹ پر پابندی کا باقاعدہ مراسلہ بھی جاری کردیا گیا ہے جس کے بعد ٹرانسپورٹ کمپنی نے پبلک ٹرانسپورٹ کیخلاف کارروائی شروع کردی ہے۔

مراسلہ میں کہا گیا گیا ہے لاہور میں پبلک ٹرانسپورٹ بس، ویگن کوسٹر، ٹیکسی، رکشہ اور چنگچی پر پابندی عائد کی گئی ہے۔

اس کے علاوہ اورنج ٹرین اسپیڈو بس،میٹرو بس کی بندش تک پبلک ٹرانسپورٹ بند رہے گی، خلاف ورزی کرنے والوں کے خلاف سخت قانونی کارروائی کی جائے گی۔