اے این پی کے سربراہ اسفندیار ولی خان کا کورونا ٹیسٹ مثبت آگیا

عوامی نیشنل پارٹی (اے این پی) کے سربراہ اسفندیار ولی خان کا کورونا ٹیسٹ مثبت آگیا۔

اسفند یار ولی کے بیٹے ایمل ولی خان نے ٹوئٹ کرکے والد کے کورونا سے متاثر ہونے کی تصدیق کی اور کہا کہ والد کی گزشتہ 4، 5 روز سے طبیعت خراب تھی جس کے باعث ان کا کورونا ٹیسٹ کرایا جو کہ مثبت آیا ہے۔

ایمل ولی نے عوام سے دعاؤں کی اپیل کی ہے۔ وہیں خاندانی ذرائع کا کہنا ہے کہ اسفندیار ولی خان نے خود کو گھر پر قرنطینہ کر لیا ہے جبکہ ڈاکٹرز سے مشاورت کے بعد اسفندیار ولی خان کو اسپتال منتقل کیا جائے گا۔