اختیارات کا ناجائزاستعمال اور کرپشن کے الزامات ، چیئرمین ایچ ای سی کیخلاف کارروائی کا آغاز

اسلام آباد : قومی احتساب بیورو‌( نیب ) نے چیئرمین ایچ ای سی ڈاکٹر طارق بنوری کے خلاف اختیارات کے ناجائزاستعمال اور کرپشن کے الزامات پر کارروائی شروع کردی ہے۔

قومی احتساب بیورو‌( نیب ) نے چیئرمین ایچ ای سی ڈاکٹر طارق بنوری کے خلاف کارروائی شروع کردی ، چیئرمین ایچ ای سی پراختیارات کےناجائزاستعمال اور کرپشن کےالزامات ہیں۔

نیب کا کہنا ہے کہ وزیراعظم ہاؤس میں یونیورسٹی اخراجات اور نیشنل اکیڈمی آف ہائرایجوکیشن کی تفصیلات مانگی گئی ہے جبکہ غیر قانونی اور اقربا پروری سےکنسلٹنٹس کی تعیناتی پر بھی جواب طلب کیا گیا ہے۔

لیگل افسر ایڈووکیٹ طارق منصور ،نادیہ طاہر،اظہرلطیف اور نور آمنہ ملک کی تعیناتی پر بھی جواب طلب کیا گیا ہے، نیب کانوٹس گزشتہ ہفتےایچ ای سی حکام کو موصول ہوا تھا۔

ایچ ای سی کی ترجمان عائشہ اکرم نے نیب کی جانب سے نوٹس موصول ہونے کی تصدیق کرتے ہوئے کہا کہ کچھ سوالات کے جواب مانگے گئے ہیں تاہم چیرمین ایچ ای سی ڈاکٹر طارق بنوری کو طلب نہیں کیا گیا، ان کا جواب نیب کو بھیج دیا گیا ہے۔