کراچی، طوفانی بارشوں کی پیشگوئی کے باوجود نالوں کی صفائی کا کام مکمل نہ ہو سکا

کراچی: محکمہ موسمیات نے سمندری طوفان کے پیش نظر شہر قائد میں طوفانی بارشوں کی پیشگوئی کر رکھی ہے۔

متوقع طوفانی بارشوں کے پیش نظر ریڈ الرٹ جاری ہونے کے باوجود شہر میں نالوں کی توسیع کی صورتحال میں بہتری نہ آسکی۔

بارشوں سے محمود آباد نالے کے اطراف کے علاقے متاثر ہونےکا خدشہ ہے تاہم اس کے باوجود محمودآباد نالے کی توسیع کا کام تاحال مکمل نہ ہو سکا۔دوسری جانب گجر نالے کی صفائی کا کام بھی شروع نہیں ہو سکاہے۔