پاکستان، 30 سال اور زائد عمر افرادکی کورونا ویکسینیشن کیلئے رجسٹریشن کا آغاز

ملک میں 30 سال اور اس سے زائد عمر کے افرادکی کورونا ویکسینیشن کے لیے رجسٹریشن کا آغاز آج سے ہو گا۔ ​عید کی چھٹیوں کے بعد پنجاب اور اسلام آباد میں ویکسین مراکز دوبارہ کھل چکے ہیں جبکہ ایکسپو سینٹر کراچی میں بھی ویکسینیشن کا عمل جاری ہے۔

نیشنل کمانڈ اینڈ آپریشن سینٹر (این سی او سی) نے بھی عوام سے ترجیحی بنیادوں پر رجسٹریشن کروانے کی اپیل کی ہے۔

خیال رہے کہ اس سے قبل ورلڈ بینک کی جانب سے کورونا ویکسینیشن کے لیے پاکستان کو 15 کروڑ 30 لاکھ ڈالرگرانٹ کی دوبارہ منظوری دینے کا اعلان کیا گیا ہے۔

ورلڈبینک کے اعلامیے کے مطابق پاکستان میں ‘پینڈیمک ریسپانس ایفیکٹونس ان پاکستان’ پراجیکٹ کی تنظیم نوکی منظوری دی گئی ہے، منصوبے کی تنظیم نو کی منظوری وفاقی حکومت کی درخواست پر کی گئی ہے۔